Nagpunta ako sa aking pinakaunang pagpupulong na nakakakuyom ang aking mga kamao. Galit ako, nabigo, at handang makipag-away sa sinuman.
Napagtanto ko na isa lamang itong takip sa lahat ng pasakit na nararamdaman ko. Isang bagay sa loob-loob ko ang nakakadama ng parang hilaw, tulad ng isang nginunguyang buto, at talagang nais ko lang tumakas mula sa lahat.
Doon nangyari sa akin ang himala ng pakikisama. Ang sakit na naramdaman ko ay naging isang kasangkapan upang matulungan ang iba nang mapalapit ako sa isang bagong dating at sinabing, “Alam ko kung ano ang nararamdaman mo dahil dumating na din ako sa puntong iyan.” Ito ang katotohanan noon at ito ang totoo ngayon. Ang pagbabahagi ng sakit ay susi sa kalayaan para sa akin.
MGA BAGAY NA DAPAT ISIPIN
Marami akong pasakit sa nakaraan. Sa isang pagkakataon akala ko papatayin na ako nito. Ngayon natutuwa akong naranasan ko ang mga ito dahil nagagawa kong makipag-ugnay sa iba at ipaalam sa kanila na naiintindihan ko ang nararamdaman nila. Ang mensahe na iyon ay malakas at malinaw nang dumating ako sa Alateen at nais kong dalhin ito sa iba.