Noong bata pa ako, mayroon akong isang personal na ideya ng Diyos: isang Mas Mataas na Kapangyarihan na alam ang aking mga problema at handa akong tulungan. Hindi ko Siya inisip araw-araw, ngunit alam kong nandiyan Siya sa tuwing kailangan ko Siya.
Pagkatapos, habang lumala ang alkoholismo sa aming tahanan, naramdaman kong parang sumasalungat sa akin ang Diyos. Sinisisi Ko Siya kapag lahat ng nangyayari ay puro nalang mali- kung nagkakaproblema ako sa aking mga gawain sa paaralan at sa tuwing hindi maintindihan ng aking mga kaibigan ang pagkakaiba sa amng tahanan ng sa kanila.
Tinulungan ako ng programa na maibalik ang damdaming dating mayroon ako para sa Diyos. Sa halip na ang aking dating negatibong paraan ng pagsisi sa Diyos sa aking mga problema, maaari akong lumingon sa Kanya ngayon para humingi tulong. Hindi ko palaging makukuha ang aking mga kahilingan, ngunit mas mabuti na hindi ko ito makuha. Mas alam ng Diyos ang mabuti para sa akin kaysa sa nalalaman ko, at iyon ang paraang gusto ko!
MGA BAGAY NA DAPAT ISIPIN
Mas pinahihirpan ko ang aking sarili kapag hinahadlangan ko ang aking Mas Nakatatas na Kapangyarihan. Ito ay isang malungkot at nakakatakot na pakiramdam sa pagsubok na ayusin ang lahat ng aking problema ng mag-isa. Kapag natutunan kong magtiwala at humingi ng tulong sa aking Mas Mataas na Kapangyarihan, ang mga bagay ay may paraan na mas madali. Binibigyan ako ng programa ng pagpipilian, ngunit sa palagay ko ay mananatili ako sa aking Mas Mataas na Kapangyarihan, upang maisagawa ang aking mga problema sa Isang nagmamalasakit.